血拼 (with師奶)

今日冇嘢做, 應承師奶飲茶, 之前就打去問kitco地圖幣幾錢, 對話超搞笑

柑: 我想問問隻地圖幣幾錢
哥哥仔: 未知價錢呀, 老闆奇奇怪怪, 仲未知點定個價錢,
柑: 咁幾時知呀?
仔: 唔知呀, 我都想知, 你係咪金小姐呀,
柑: 你點知架?
仔: 我冇同過幾多個人講過哩隻幣, 所以咪估到, 你知唔知英女皇幣我吔今個月開始做特價?
柑: 唔知喎, 你哋出咗email咩?
仔: 冇, it又搞唔切, 我哋都係見客就講.
柑: 咁我點會知呀?

...大家靜咗...(嘻嘻...串親人)

仔: 哩隻咁平...果隻就咁平......(下省一萬字)

之後就同師奶飲完茶, 上去kitco行一吓, 睇睇有冇嘢啱.

問咗哥哥仔攞手上嘅貓紙嘅copy, 話攞比啲auntie睇, 返屋企就即刻影咗比大家睇, 搞極都out晒fo, 不過都可以參考吓, 睇吓有冇嘢啱.

我就留錢買地圖幣, 師奶就出血, 買咗幾樣嘢, 不過其實係有幫柚子同朋友買,

另外, 今日比kitco啲哥哥知道咗我同師奶係兩母女, 仲話我似呀師奶, 不過其實我似老爺多啲, 哈哈