最近自己開始反省緊一路以來自己買銀幣嘅方式, 開始見老爺話銀幣投資好, 又發咗lisa姐佢地買啲幣又靚又保值, 所以開始買銀, 一開始都係買吓灰熊美獅哩啲投資幣, 因為平所以一筒筒咁買, 最近發覺一路補習加利是錢加返工啲積蓄都用得七七八八, 先醒覺自己都係鐘意買靚幣收藏吓, 咁就死啦, 見到靚都唔可以話買就買, 但有時唔買就之後想揾都難, 所以一定要立下決心,
1.儲彈藥, 每月留同一個數目買幣, 淨低就做下個月嘅儲備, 唔可以問c9借錢買, 因為c9自己想買咩就成日叫我陪, 雖然我借十蚊都係還五蚊
2.每個月都只揀一隻幣買, 有人儲手袋, 有人儲首辦, 有人儲漫畫(阿桔就係), 我儲銀幣, 一年十二隻, 十年一百二十隻, 發達啦.
3.經過上次鎖定咗地圖幣之後冇亂買其他嘢嘅經驗, 所以以後要早一啲study new release嘅貨, 鎖定目標, 因為每月只有一次機會. 七月可能會係bb翠鳥.
最大障礙可能係c9, 因為c9應該係無限資金, 仲同四五個auntie一齊玩得好開心, 仲成日叫我幫吓眼, 雖然都成日有着數比我, 但亦係最大嘅引誘.
每月定一個數同每月只揀一個幣有無衝突？定係2係指收藏幣1係投資幣？
回覆刪除交流下真好
唔係呀, 係一個月買一隻, 但唔可以超出預算, 預算有剩就留返做下個月嘅儲備...以後唔買投資幣, 唔抵...
回覆刪除投資幣唔底法？
回覆刪除何解覺得投資幣唔抵？願聞其詳。。。
回覆刪除一來只係唔啱我, 因為我覺得唔夠靚同選擇少, 我開始覺得自己變咗收藏家(購物狂), 而唔係投資者, 如果我係投資者, 我會學老爺去利昌買條, 不過我唔鐘意, 真係好悶.
回覆刪除二來我係咁計, 儲生肖限三十萬, 都要400幾蚊, 舊嘅仲唔止, 我嘅收入, 根本追唔到舊貨, 只可以買新貨, 買銀幣而家係興趣(上癮), 又可以變成投資, 一個地圖幣, 只係$788, 仲有盒有cert兼只限6000個, 又可以一套套咁儲, 又唔洗四圍揾, 所以都係收藏幣好啲...
似乎大家都摸索到適合自己的儲銀之路。。。
回覆刪除細芬女。DC
回覆刪除我估投資金銀的路。真是每人都唔同。要自己模。模到係如魚得水同開心。
旺旺做左Club後。都清浙了自己收藏方向。開心
好啱呀旺旺, at the end of the day, 都係開心最緊要...
回覆刪除