c9們的20蚊第一擊

尋日幾個aunties+c9飲完茶, 就一齊上kitco, 買咗6魚一老婦人

魚 = 698x0.9-20 = 608
老婦人 = 1028x0.8 = 822.4

所以尋冕我同lisa姐講話kitco平啲, 不過計落係要比多200幾蚊買多隻嘢, 有人唔介意隻港英餘孽就okay, 唔係就無無謂謂, 不過, 其實一隻投資幣都二佰幾, well...

之後上咗嚟屋企分賍, 一班c9覺得自己賺咗, 先係最大嘅得着

因為有嘢搞, 所以冇詳細理哋.

不過晚飯嘅時侯, c9同老爺不停話自己同一班friend好醒, 老爺又唔係好理佢, 不過一睇c9個樣, 就知佢中晒毒, 自顧自開心.

唉!...我好驚我有一日好似佢咁.

臉譜幣

自從好多幣友係fb介紹好多中國幣, 於是想了解多啲, 其實一班香港的fb友己經介紹咗好多, 不過我覺得最奇怪嘅一點係, 點解一隻幣造十萬, 個市埸都可以食得晒.

臉譜幣, 我勁like

不過一上微博, 就明晒, 單單係一個微博, 就己經有32萬人關注, 未計唔上網啲上一代, 當然, 32幾萬人係玩晒中外錢幣郵票, 不過發吓夢諗吓, 中國一開放收藏幣嘅市場對所有幣嘅需求有幾大. 不過係微博玩外國幣仲未成瘋, 但己經好多人知道外國幣嘅資料

最近多咗人話買收藏幣唔好, 自己都會多諗一吓, 不過買得實物, 回報都係十年嘅事, 如果大家信十年銀價上100, 咁700-1000嘅收藏幣已經唔使蝕, 啲人揾返啲舊嘢, 仲有得賺.

小小嘅諗法, 都係自己安撫吓自己

北望神洲, 努力收藏.

一慢鳥

都有諗過出唔出post, 好似自我宣傳咁.

不過, 自問從來做咩都唔多人發現, 係學校都係個普普通通嘅學生.

亦好少有恒心咁去做一樣嘢, 第一次咁有決心去寫blog, 開頭係比大家嘅關係感動, 雖然中間多咗啲唔開心, 但亦學識咗少少睇人同睇事.

而家咁嘅結果, 好多謝大家嘅支持, 我會繼續努力, 多八掛, 多學習.

努力!

(為咗鼔勵自己, 我決定八月比自己買多一個幣, 哈哈哈)

C9的kitco廿蚊大計...

又一次証明, 哩個世界上最聰明嘅人係一班c9.

超好笑, 尋晚一班c9 and aunties研究點先可以係kitco身上賺到盡嗰廿蚊, 因為佢哋有5,6個人係幾active嘅買家, 佢哋就諗住個個都like一下, 然後每次上kitco買嘢都用一個人嘅名去買, 因為一張單裏面任何一隻都會係平廿蚊, 咁就話可以享受$20優惠5-6次, 咁到九月尾都用唔晒啦.

天才, 簡直係天才, 佢哋仲對我果廿蚊......

是不是太給力了吧

kitco fb 出咗post, like咗佢哋平廿蚊,

http://www.facebook.com/Kitco.hk#!/notes/kitco-hk-metals-ltd-%E9%87%91%E6%8B%93%E9%A6%99%E6%B8%AF%E9%87%91%E5%B1%AC%E6%9C%89%E9%99%90%E5%85%AC%E5%8F%B8/1-like-worths-20/310129539083825

同出咗星座團購,

 http://www.facebook.com/Kitco.hk#!/notes/kitco-hk-metals-ltd-%E9%87%91%E6%8B%93%E9%A6%99%E6%B8%AF%E9%87%91%E5%B1%AC%E6%9C%89%E9%99%90%E5%85%AC%E5%8F%B8/%E5%9C%98%E8%B3%BC%E5%84%AA%E6%83%A0-%E7%99%BD%E4%BF%84%E7%BE%85%E6%96%AF%E6%98%9F%E5%BA%A7%E9%8A%80%E5%B9%A3%E6%88%AA%E6%AD%A28%E6%9C%883%E6%97%A5/309187385844707

拿了, 拿到了

到手了

靚!!

風水實貨圖

之前ivan話對風水魚個樣有concern, 啱啱kitco出咗實物, 聽日先同c9上去攞, 大家睇住kitco個fb先...

http://www.facebook.com/Kitco.hk#!/notes/kitco-hk-metals-ltd-%E9%87%91%E6%8B%93%E9%A6%99%E6%B8%AF%E9%87%91%E5%B1%AC%E6%9C%89%E9%99%90%E5%85%AC%E5%8F%B8/2012%E6%96%B0%E8%A5%BF%E8%98%AD%E9%A2%A8%E6%B0%B4%E9%8C%A6%E9%AF%89%E7%B2%BE%E9%91%84%E9%8A%80%E5%B9%A3%E7%8F%BE%E5%B7%B2%E6%8A%B5%E6%B8%AF/310514465711999

真係唔錯.

Kitco地圖2開售啦...

kitco開始賣地圖2啦

KITCO香港將會推出以下兩款紀念銀幣

2012澳洲地圖鴯鶓銀幣
金拓賣出價格(港元)
$HKD788每塊
2012澳洲內陸動物收藏銀幣系列
金拓賣出價格(港元)
$HKD1288每塊
您現可致電我們的客戶服務熱線 (852) 2827-7800優先訂購。
貨品抵港後會個別致電提貨。
(貨品相片因合約原因暫缺)

不過怪怪咁, 明明scs同spc都出晒圖, 出晒個幣嘅詳情, 點解佢哋唔出圖呢??

愛不釋手 + 估吓金主買咩

I am feeling lucky already

飲完茶買咗兩隻lucky, 係咁囉嚟玩, 好正呀, 同哥哥仔落埋四葉草同馬鞍嘅wishes, 728一隻, 好抵.

攞上手靚過相, 因為個賣相好大隻.

另外金主同我上去, 當然就忍唔到手, 你估吓佢買咗咩? 估到就post相, 唔好怒估呀...怒估唔算...

kitco上身?? + 格格價

見kitco咁努力, fb資又快, 我就嚟唔洗報料,

幫佢哋啲新嘢格格價:


蝴蝶
kitco680
apmex720
powercoin700

狩獵
kitco680
apmex冇
powercoin冇

lucky coins
kitco728
apmex800
powercoin700

睇落都okay, kitco可能真係轉咗賣嘢嘅策略, 真係幾好

不過niue係叫紐埃咩...怪怪咁....

LUCKY COIN嘅movie

http://www.facebook.com/Kitco.hk#!/photo.php?v=308533002576812

http://www.facebook.com/Kitco.hk#!/photo.php?v=308533322576780

地圖emu

我相信有係kitco買第一隻地圖幣嘅人都會好似我咁收到電話, 佢哋話會優先提供地圖2emu比有買第一隻嘅客, 今個星期內confirm到單就留到貨. 有剩嘅就下星期一開始會公開賣, 同之前一樣都係$788, 當然ivan可能平啲, ivan幾時先知有冇貨同幾錢呢.

不過作為地圖愛好者, 如果冇買第一隻嘅人, 都應該買第二隻, 因為要揾第一隻, 我相信ivan都可以幫到手, 多謝默默付出嘅人.

有心人

上星期先諗緊話要搞返個免費放售網, 因為越多人買賣就對我哋啲收藏越有利, 亦係交流嘅一種, 點之己經有有心人搞咗

http://forum.thetreasureisland.net/

雖然睇落去係初型, 但總算係一個開始, 多謝有心人, 希望多啲人支持, 多啲交易, 大家開心

哩個世界, 有心人, 生意人好容易分, 但真係需要多啲有心人.  希望啲生意人唔好比partner話幾句又出嚟受教了受教了, 因為我哋唔係傻架.

有人話我好直, 想講咩就講咩, 哩啲咪青春囉....:p

c9有火

唔係明明話有人退團, 聲淚俱下咁叫人買啦買啦, 又去人哋lisa個blog賣廣告, 又話受教了, 錯了, 網友們買咗, 加咗單, 又好醒咁出嚟話自己有幾勁, 連開舖嘅都賣晒, 又問廠再加單, 好威咁吹.

點解可以咁厚面皮, 果然冇改錯名, 亂吠一通, 不知所謂. 仲搞人哋個blog, 又話人哋搶, 又笑人哋細單, 細單就唔好至在, 至在就咁寸, 之後就係劉備果句, "死八婆"

以上係c9嘅火爆意見, 我同老爺得個笑字.

in case大家唔知, 跟據回到三國, 死八婆即係見到就想大巴大巴打嘅女人

以幣養幣2

之前c9講咩以幣養幣, 於是上網一search, 出咗好多links, 睇咗一大堆, 原來哩個世界好多人講嘢好冇point(包括我), 不過有兩個比較好一啲嘅, 同大家分享吓...

http://tw.myblog.yahoo.com/jw!sdrx2mCBBBJ7ZsT0J8jbP59vUrLS/article?mid=379

http://finance.sina.com/bg/investment/sinacn/20120331/2208490034.html

我都係認同儲就要儲一套, 所以買第一隻尤其重要, 因為好賣嘅貨只會一隻否則只會飲恨, 或者比多啲錢.

不過我反而會覺得外國幣會越嚟越好炒, 因為中國而家就只炒中國幣, 如果遲啲開放咗銀幣市場, 就可以炒外國幣.

所以我絶對支持高質素嘅龍12345系列, 外國文化氣息好重...

不過都係果句, 邊有咁多錢.

講開錢, kitco嗰優惠得返18個人可以享有囉, 因為兩個aunties買咗各一套, 兩千四一個人...合體以幣養幣?!

開fb

前日無無聊聊, 開多咗個fb去keep track啲唔同嘅銀幣消息, 一次過讚晒 lpm, kitco, bs, 仲入埋白銀戰隊.

開頭都係無聊, 但發現都真係幾好, 因為讚咗之後有咩新消息就會自己pops up, 唔洗每一間去望望望.

尋日就見kitco佢哋會出隻加拿大吉祥幣, 同地理幣, 上一上加拿大網格價

地理幣
加拿大價: 560
kitco: 588

吉祥幣
加拿大價: 800
kitco: 918 (貴咗啲, 不過佢哋fb話同系列嘅一齊買就九折, 826, 不過名額得20個)

都算okay平, 點之就比c9睇中, 話今日同班auntie飲完茶就上一齊去搞啲哥哥仔, 可憐, 都係講啲哥哥仔.

lpm就有隻11年britania, 都幾吸引, 要290幾蚊, 其他嘢都係金, 買唔起. 不過我好奇怪有人會買隻pamp龍bar, 仲未夠龍咩, 係時侯出蛇啦...

可憐的人 + 以幣養幣??

c9自從開始上網之後, 同班aunties成日以為已知天下事, 日頭飲茶己經成日見, 夜晚仲要上網睇blog, 睇幣網, 一日就指吓呢隻問我好唔好, 果隻好唔好, 我就叫佢不如自己問apmex同powercoin攞貨. 但一話網上買嘢就耍手拎頭, 話都係見貨先買最好, 原來之前有一日飲茶, 班aunties已經講哩樣嘢, 因為佢哋上親kitco都十個八個咁買, 覺得自組aunties團都唔係話唔得, 不過提出果個auntie就比人band咗, 因為原來大家都試過網上買嘢貨不對辦, 諗諗吓又係喎, 我自己都試過yahoo團埋啲嘢, 完全唔掂, 最慘郵寄網購係冇得換. 所以旺旺同ivan要受嘅風險都唔少(多謝提醒)....辛苦晒. aunties團的最後決定係繼續一齊上去搞kitco啲哥哥, 真可憐, 我係話啲哥哥...哈哈哈

c9同我大發怪論, 話上網見人話咩"以幣養幣", 即係買幣就要買兩套, 一套就自己收藏, 一套就等升值, 升咗賣出就可以用啲錢再買新幣, 好似幾make sense, 所以佢哋班c9就決定試吓. well, 我就不敢苟同, 因為財力有限, 只能每月一幣, 不過如果第時旺旺嘅交易服務更多人用, 就可能會好啱用.

bb kooka 個靚樣 同perth新貨報料...

估唔到kitco啲效率咁高, perth一出kitco就有, 收到電話就上去攞, 最開心係同心目中嘅差唔多, 可惜自己搞極部機都影唔到好啲比大家睇,

順手問一問下一個月嘅perth貨返咩, 一如所料, 會有地圖emu...

不過哥哥話未知返幾多, 亦未知價, 不過就會同之前應承嘅一樣, 會先通知買咗第一隻地圖嘅客先, 叫我唔洗驚....一定會有電話到

當然唔少得嘅係"柑之打爛沙盤問到篤式問料法"...

• Australian Opal Series – Wombat 2012 1oz Silver Proof Coin (kitco應該會有)
• Australian Map Shaped Coin Series – Emu 2012 1oz Silver Coin (kitco應該會有)
• 2012 Australian Outback Silver Collection (kitco應該會有)
• Australia – China 40 Years of Friendship 2012 1oz Silver Coin
• 2014 FIFA World Cup Brazil™ 0.5g Gold Proof Coin
• 2014 FIFA World Cup Brazil™ 1/2oz Silver Proof Coin
• Dragons of Legend – St. George and the Dragon 2012 1oz Silver Proof Coin
• Young Collectors – 2012 Animal Athletes Sailfish $1 Coin

下個月我己鎖定咗地圖emu...又煩少個月, 開心

babe 系列睇晒

一早上咗perth mint 睇, 終於,可以睇真啲隻幣

http://www.perthmint.com.au/catalogue/australian-bush-babies-ii-kookaburra-half-oz-silver-proof-coin.aspx

上次都冇留意, 原來隻bb kooka係眼甘甘咁望住隻蜘蛛, 好得意...

睇埋perthmint個video, 可以睇到bb kooka實物, 放心晒.

另外video出晒之後咁多隻design, 有隻bb箭豬仔就好得意, 仲有bb鴨嘴獸, 超吸引.