老爺係我哋之中最先買嘅, 因為有一個uncle介紹佢, 以前佢哋都會一齊買吓金幣, 老爺向我哋分析過, 嘢只有越嚟越貴, 佢睇過銀嘅價都一路上, 幹時係40幾蚊, 所以買咗少少, 個uncle介紹佢去利記, 買吓買吓先去咗kitco, 因為利昌咩都收, kitco就只收自己嘢, 所以安全計都係去kitco, 咁就多條後路, 因為老爺嘅明句係"銀係唔可當飯食", 所以冇地方收就只可以當束枕頭, 佢每個月出糧都買少少玩吓.
金桔係第二個, 佢見老爺玩得咁開心, 又玩埋一份, 買吓買吓, 而家仲周不時同女友一齊儲吓靚幣, 我就話係因為佢女友行未來奶奶政策, 見我同c9玩得咁開心又玩一份
第三個係我, 開頭都係跟老爺玩玩吓, 不過開頭都冇咩興趣, 自從發現咗lisa先識得揾靚幣買, 因為銀一舊舊, 唔一定會升, 當然係因為我見過個價大跌之後先開始嘅原故, 所以唔係有靚幣, 我都唔會玩落去. 不過呀老爺就話我本沒倒置.
c9就因為同我攞攞吓貨, 就開始埋買靚幣, 仲叫埋啲朋友一齊玩, 所以kitco都應該分啲commission比佢.
最後連未來呀嫂都玩埋一份, 我估都係未來奶奶政策.
所以而家屋企食飯飲茶都會講吓銀, 多個話題都係好.