誠徵金桔女友名字

金桔女友可能之後都會有出場機會, 但佢自己唔想諗名, 我尋晚就同佢講話不如搞返個改名比賽, 如果大家有咩提意, 請suggest, 我會叫佢係當中自己揀.

揀中都冇奬架...

deadline係星期日晚七點, 佢會上我哋度食飯...

好好玩呀...

咁就係桔桔女朋友個樣, 希望幫到大家

係卡通叫丸野丸美

我們這一家金銀甲

老爺係我哋之中最先買嘅, 因為有一個uncle介紹佢, 以前佢哋都會一齊買吓金幣, 老爺向我哋分析過, 嘢只有越嚟越貴, 佢睇過銀嘅價都一路上, 幹時係40幾蚊, 所以買咗少少, 個uncle介紹佢去利記, 買吓買吓先去咗kitco, 因為利昌咩都收, kitco就只收自己嘢, 所以安全計都係去kitco, 咁就多條後路, 因為老爺嘅明句係"銀係唔可當飯食", 所以冇地方收就只可以當束枕頭, 佢每個月出糧都買少少玩吓.

金桔係第二個, 佢見老爺玩得咁開心, 又玩埋一份, 買吓買吓, 而家仲周不時同女友一齊儲吓靚幣, 我就話係因為佢女友行未來奶奶政策, 見我同c9玩得咁開心又玩一份

第三個係我, 開頭都係跟老爺玩玩吓, 不過開頭都冇咩興趣, 自從發現咗lisa先識得揾靚幣買, 因為銀一舊舊, 唔一定會升, 當然係因為我見過個價大跌之後先開始嘅原故, 所以唔係有靚幣, 我都唔會玩落去. 不過呀老爺就話我本沒倒置.

c9就因為同我攞攞吓貨, 就開始埋買靚幣, 仲叫埋啲朋友一齊玩, 所以kitco都應該分啲commission比佢.

最後連未來呀嫂都玩埋一份, 我估都係未來奶奶政策.

所以而家屋企食飯飲茶都會講吓銀, 多個話題都係好.

PRICE WAR開始??

今朝幫老爺check價, 如下

一筒maple

kitco -  6058
lpm - 6075
booksilver - 6058

連kitco都醒覺要減價?? 因為之前好似冇一筒嘅discount, 返而lpm最貴, 不過老實講, 遊戲先啱啱開始.

咁都比chic講中...

減減減...顧客最開心...

品

尋日同旺旺講開lpm嘅情況, 再睇咗lisa姐個blog上嘅回應, 令我諗返啲嘢, 如果有睇我之前啲相都有發現我冇野生狼, 因為成日覺得用300幾400蚊買好唔抵, 其他三隻我都係kitco睇啱銀價買, 所以溢價都唔算貴, 要買一筒狼, 就要十隻靚幣嘅錢, 好唔make sense, 所以一直都冇買返, 我試過問kitco啲哥哥仔, 有冇可能返貨, 佢就話從來冇賣過, 所以冇可能有得收返, 不過你估佢唔到佢叫我去邊度買...

佢懶係嘢咁話名就唔講得, 但就叫我上網search silver 同pocket團購, 佢又話狼佢哋一定冇, 所以介紹吓都唔會比老闆鬧

咁都算有品...

澳洲地圖幣

上次哥哥仔話可能有哩隻會返, 仲傾緊, 不過佢話有興趣就入定錢, 不過就未知賣幾錢. 大概6月過啲喎, 金桔女友話好得.

諗住上ebay睇吓咩價, 揾唔到, 可能因為未有.

原來以前出過特別版, shanghai expos版

ebay價係725-1560都有, 只造咗1000個, 我諗都好難揾到...

報料行動

睇到旺旺為大家嘅付出, 真係有少少感動, 有時都諗, 只要大家團結, 其實可以分享大家得到心頭好的喜悅, 亦可以對大家有益處, 所以成日都諗, 有咩可以做嚟幫到大家. 如果搞團購就只係打對台, 冇意思, 兼且我太懶同件事太複雜, 但最近旺旺搞免費團購, 有人問會唔會lpm返貨, 令我忽發奇想, 我地一家都有個習慣, 就係每次上完kitco買嘢都會問啲哥哥仔嚟緊有咩返, 等自己可以做吓product research發吓夢, 睇吓ebay價, 又問吓c9意見.

如果大家上開kitco, lpm, (國際就太貴), 可以問到任何嘢, 之後集中一個地方向大家報料, 就可以從中多一啲資訊, 咁做決定都可以簡單啲.

暫時我會係右邊開幾個文章, 大家有料可以去報. 希望幫到大家:p

港英餘孽

老爺少有地買的收藏品, 因為佢個人好實際, 佢話今次係因為英女皇, 有感情. (唔通老爺鐘意阿婆?) 我吔就串佢係港英餘孽, 佢就同我哋講歷史, 話英女皇係6月2日登基, 過咗6月2日就會多人知. 我就上維基check check, 老爺真係啱, 佢就話放咗咁多年女皇壽辰假, 點都有啲品會知嘅, 果然係港英餘孽, 我淨係知佛旦係四月.


wiki:
伊麗莎白二世（英语：Elizabeth II，1926年4月21日－）為現任英國君主，是英國及英聯邦16个成員國的國家元首，登基於1952年2月6日（加冕於1953年6月2日），伊丽莎白二世是目前在世的在位时间第2长的国家元首

其實老爺幾堅!

佢仲話, 有幾多個女皇有60年皇帝做, (咁似kitco啲sales, c9話幫老爺攞貨時啲sales哥哥講過), 所以都幾有紀念性.

上加拿大網就賣晒.

比佢講到心郁郁...

獅子銀

尋晚食飯時講起, 我哋一家人都未去過booksilver, 其實好近, 又有啲獅子銀, 金桔就陰陰笑話好, 跟着金老爺又笑, c9完全唔知咩事, 一頭霧水, 我話比c9聽係因為有台灣美女, 所以金桔同老爺想去.

金桔女朋友首先發難, 話咗見親獅子銀就沒收, 唔比金桔去買, c9就跟風, 不過話明老爺要買都可以, 一定要同佢一齊去, 不過老爺去親都係利記, 都唔會要獅.

我就諗緊要一個兩個, 玩下都好.

bear bear, 喵喵, moo moo

我和金甲c9共有的, 其實啲grizzly係我自己買咗, c9迫我同佢分, 佢話而家冇得買返, 當然我唔會同佢講去哩度果度都仲有得搞, 因為靜係教佢上kitco個網已經搞咗一個禮, 所以有時咪話政唔做嘢, 啲上網班係愛嚟幫吓手, 搞掂啲c9, 一陣佢知仲有就叫我去搞仲死...唯有同佢分...

小蜜蜂...

呵呵呵, 想不到可以買得到, 媽見了後很想要, 再打去kitco己經冇貨, 才1300蚊, 媽說貴一點都不介意買, 於是打去國際金錢, 點知個姐姐耍晒太極, 又話有又話冇, 後都係冇計, well, 唯有叫呀媽等下, 下年送一隻比佢做母親節禮物, 不過就梗係下一款啦.