特別鳴謝

好多謝一路以來唔同嘅銀幣路上嘅前輩好多嘅教導同分享, 由lisa姐介紹唔同嘅銀幣開始, 到一大班fb嘅朋友, 開拓咗對唔同銀幣同中幣嘅眼光, 甚至最近係blog度留言嘅一位匿名人, 見到佢對一隻幣嘅深入研究, 甚至對designer同廠嘅知識都能夠娓娓道來, 確實係好佩服, 亦都係咁, 令到細芬多咗啲鞕策.

大家唔好誤會, 我唔係close blog, 其實係賣廣告, 今次係自己嘅廣告, 過去一段時間, 細芬不停上網集合咗一啲得奬幣嘅資料, 可能哩啲資料大家都見過, 不過都希望同大家分享一下, 希望大家買幣嘅時侯多個reference.

第一炮已經寫咗係收藏家細芬個blog度, 係關於白俄星座幣, 我見白俄星座幣, 由有人開始提供啲貨係ivan度放售, 到kitco搞咗個團, 到scs同spc都搞波蘭團, 唔係一隻難買到嘅幣, 不過其實佢係一隻得過細奬嘅幣.