收藏芬的小tips - 唔好變動物園

自從上次評完自己啲幣, 已經有嘢想講, 其實大家買收藏幣, 有冇咩計劃呢, 定係見靚就買呢, 因為見靚就買, 可能過咗幾年, 就會好易手上一堆貨, 仲要只係啲動物圖案, 但係就冇晒啲錢, 就算見到靚嘅新嘢, 都冇錢買.

所以我就做咗個list, 比大家參考吓, 不過哩個只係細芬個list, 比自己一個目標, 先唔會亂嚟, 每人都應該有自己個list, 有自己嘅方向.

排名不分先後

1. 12生肖一套

12 生肖都唔係話易做, 係努力嘅見証,
好多人話, 我都有perth 1系或努力緊 perth 2系, 不過細芬會覺得如果有特色啲嘅高浮呀, 中國嘅壬辰呀就更加好.


小小資料:
香港比較易買嘅生肖
pm生肖2系由鼠開始, 要追都係5隻, lpm同bs都好似仲有貨
加拿大生肖: 由虎開始, 要追3隻, kitco仲有龍, 蛇己經到貨
中國生肖: 由牛開始, 大洋可能仲有, 勁貴
pm hr就好似龍開始, 要追1隻姐

2. 一兩套喜歡嘅普制幣

有人鐘意熊貓, 有人鐘意翠鳥, 有人鐘意樹熊, 有人鐘意britania, 大象, 只要你唔係話比我聽你儲maple或者eagle. 加拿大wild life都okay架, 不過得6隻.

3. 唔同形式嘅而又會慢慢一一隻出嘅套幣

好似細芬嘅babe bush, 同地圖. 因為起碼有儲嘢嘅感覺.

一出就成套嘅就麻麻, 因為其實只係同單隻槪念幣冇分別, 但係貴啲, 儲到都冇成功感, 因為只係用錢搞掂, 好似scs有介紹嘅一套solar或者spc都有介紹嘅pm巴蕾套. 不過舊嘅套又另計. 好似如果有人平賣一套bush 1比我我都okay.

不過又唔好只買一個廠嘅幣, 好似pm咁, 出極都係動物, 唉, 一套澳洲動物夠.

4. 唔同技巧嘅幣 (單幣或套都okay)

好似kitco啱啱出嘅prism, 天窗
spc嘅澳洲皇嘅鑊仔

5. 好多好多得奬幣

咁就要考吓眼光同research, 得奬前就平, 得奬後就貴, (廢話, 廣告 - 睇多啲細芬同lisa姐個blog, 多好多資料架...哈哈), 所以眼光同對評審嘅認識都好重要.

錢只係得咁多, 幣就有好多, 有計劃咁去收藏, 會叫自己嘅庫藏多元化一啲, 自己都開心啲, 好過十年八年之後只係得一個動物園.