激死了的芬

搞咗一個星期, 都搞唔掂, 分拆咗, 上唔到市, 係blogspot衰定係我黑仔, 得返原本哩個blog用到. 而家都係要四個blog合返一個, 冇計, 唯有copy晒啲文返嚟哩度, 繼續係哩度同kitco呀, spc呀, scs呀賣廣告.

最近連買咗野嘅相都up唔到, 死晒.

多謝kitco比面, 最近上去同啲哥哥傾計, 叫佢哋揾啲得奬幣, 佢哋都話會叫sourcing試下, 而今日出咗隻真珠, 哈哈, 我都幾有影響力, 不過好似話唔包一定滿足到所有人, 手快有, 手慢冇.

C9本地團

啱啱幫c9計數, 實行佢嘅本地團計劃, 九折加平廿蚊, 係要揾人食隻女王

1oz圓蛇 = 779.2
1oz蓮蛇 = 779.2
半安蛇 = 329.2
20系列5 = 185.2

佢自己同班aunties收緊單, 星期日上完堂分貨, 實行一班c9入定貨下年送禮.

c9話要成為大戶.

淡友

尋晚老爺發咗啲怪論, 都幾好笑, 不過啱啱又見到多一單, 我又覺得佢好啱.

佢話通常啲股呀, 樓呀, 到咗唔買唔得, c9阿嬸甚至有腳嘅都去買, 就知就嚟爆. 好似前幾年嘅抽新股, 抽親都即賺, 跟住大家一窩風咁去抽, 之後就爆.

佢話kitco, scs, spc一樣, 一開始人人做perth, 做做吓perth啲嘢有啲亂出, 咁就死得
跟住就一路咁做波蘭廠, 做到人人都做, 又係遲早死得.

我就同佢講, 其實好多人好似ivan咁係自己收藏, 順手揾人share吓啲運費姐, 所以都okay, 我仲笑佢買幣都有淡友.

跟住今日就見到century-->(加入咗list到, 廣告) 又賣波蘭, 我就開始覺得老爺可能係啱, 不過啱還啱, 希望大家唔好做吓做吓, 每人嘅貨少咗, 運費高咗, 最後大家啲嘢反而貴咗.

因為我哋哩啲小消費者

1. 貨品
2. 價錢
3. 關係

認真你就輸

可能係老爺啲遺傳, 成日都對啱錯好執着, 之前對某一個人好唔鐘意, c9又成日係屋企同講佢壞話, 自己越嚟越似c9都唔知.

比嗰個人問一句算吧啦, 本來仲想發火, 但反而問吓自己為咩咁唔開心, 為咩寫blog哩, 鐘意幣?? 想多作交流?? 而事實上學咗好多嘢, 但發覺自己太在意一啲問題, 反而影響咗自己的judgement. 睇返一眾fb師父嘅反應, 先知真正嘅交流係咩, 事事處之泰然, 突然明白咗自己白痴咗一輪, 做咗白痴事.

都係一眾fb師父果句啱 - 認真你就輸.

輸完啦, 係時侯集中返係幣度.

用自己嘅方法, 儲自己喜歡嘅幣, 學吓評幣, 先係王道...

芬的煩惱...

好似大家都密切留意澳洲的蛇, 咁啱我都諗緊八月可以買咩, 仲可以買兩隻...所以好煩...

中幣 - 好雕功, 文化味重, 大家都知我最愛面譜, 不過量大之餘又貴, 十萬喎, 洗唔洗呀, 不過總好過啲廟呀, 佛呀, 唔識欣賞

澳洲幣 - 又係果啲樣, 完咗地圖同bb系列, 都真係要停吓, 買鍍金生肖又好似怪怪, 仲要見完中國嘅生肖幣..., 不過500幾又真係好抵好吸引.

歐洲嘢 - 文化味重, 好似ivan啲白俄, 都係唔錯嘅選擇, 希望見多啲哩啲

生肖幣 - 今年比啲龍搞到怕晒, 滯咗, 十年後如果睇返自己嘅collection, 唔係龍蛇混雜就係虎頭蛇尾, 點算.

我好想要返隻得奬幣呀呀呀呀呀呀呀呀呀, 咁先似個收藏家.

c9們的20蚊第一擊

尋日幾個aunties+c9飲完茶, 就一齊上kitco, 買咗6魚一老婦人

魚 = 698x0.9-20 = 608
老婦人 = 1028x0.8 = 822.4

所以尋冕我同lisa姐講話kitco平啲, 不過計落係要比多200幾蚊買多隻嘢, 有人唔介意隻港英餘孽就okay, 唔係就無無謂謂, 不過, 其實一隻投資幣都二佰幾, well...

之後上咗嚟屋企分賍, 一班c9覺得自己賺咗, 先係最大嘅得着

因為有嘢搞, 所以冇詳細理哋.

不過晚飯嘅時侯, c9同老爺不停話自己同一班friend好醒, 老爺又唔係好理佢, 不過一睇c9個樣, 就知佢中晒毒, 自顧自開心.

唉!...我好驚我有一日好似佢咁.

臉譜幣

自從好多幣友係fb介紹好多中國幣, 於是想了解多啲, 其實一班香港的fb友己經介紹咗好多, 不過我覺得最奇怪嘅一點係, 點解一隻幣造十萬, 個市埸都可以食得晒.

臉譜幣, 我勁like

不過一上微博, 就明晒, 單單係一個微博, 就己經有32萬人關注, 未計唔上網啲上一代, 當然, 32幾萬人係玩晒中外錢幣郵票, 不過發吓夢諗吓, 中國一開放收藏幣嘅市場對所有幣嘅需求有幾大. 不過係微博玩外國幣仲未成瘋, 但己經好多人知道外國幣嘅資料

最近多咗人話買收藏幣唔好, 自己都會多諗一吓, 不過買得實物, 回報都係十年嘅事, 如果大家信十年銀價上100, 咁700-1000嘅收藏幣已經唔使蝕, 啲人揾返啲舊嘢, 仲有得賺.

小小嘅諗法, 都係自己安撫吓自己

北望神洲, 努力收藏.

一慢鳥

都有諗過出唔出post, 好似自我宣傳咁.

不過, 自問從來做咩都唔多人發現, 係學校都係個普普通通嘅學生.

亦好少有恒心咁去做一樣嘢, 第一次咁有決心去寫blog, 開頭係比大家嘅關係感動, 雖然中間多咗啲唔開心, 但亦學識咗少少睇人同睇事.

而家咁嘅結果, 好多謝大家嘅支持, 我會繼續努力, 多八掛, 多學習.

努力!

(為咗鼔勵自己, 我決定八月比自己買多一個幣, 哈哈哈)

C9的kitco廿蚊大計...

又一次証明, 哩個世界上最聰明嘅人係一班c9.

超好笑, 尋晚一班c9 and aunties研究點先可以係kitco身上賺到盡嗰廿蚊, 因為佢哋有5,6個人係幾active嘅買家, 佢哋就諗住個個都like一下, 然後每次上kitco買嘢都用一個人嘅名去買, 因為一張單裏面任何一隻都會係平廿蚊, 咁就話可以享受$20優惠5-6次, 咁到九月尾都用唔晒啦.

天才, 簡直係天才, 佢哋仲對我果廿蚊......

有心人

上星期先諗緊話要搞返個免費放售網, 因為越多人買賣就對我哋啲收藏越有利, 亦係交流嘅一種, 點之己經有有心人搞咗

http://forum.thetreasureisland.net/

雖然睇落去係初型, 但總算係一個開始, 多謝有心人, 希望多啲人支持, 多啲交易, 大家開心

哩個世界, 有心人, 生意人好容易分, 但真係需要多啲有心人.  希望啲生意人唔好比partner話幾句又出嚟受教了受教了, 因為我哋唔係傻架.

有人話我好直, 想講咩就講咩, 哩啲咪青春囉....:p

c9有火

唔係明明話有人退團, 聲淚俱下咁叫人買啦買啦, 又去人哋lisa個blog賣廣告, 又話受教了, 錯了, 網友們買咗, 加咗單, 又好醒咁出嚟話自己有幾勁, 連開舖嘅都賣晒, 又問廠再加單, 好威咁吹.

點解可以咁厚面皮, 果然冇改錯名, 亂吠一通, 不知所謂. 仲搞人哋個blog, 又話人哋搶, 又笑人哋細單, 細單就唔好至在, 至在就咁寸, 之後就係劉備果句, "死八婆"

以上係c9嘅火爆意見, 我同老爺得個笑字.

in case大家唔知, 跟據回到三國, 死八婆即係見到就想大巴大巴打嘅女人

以幣養幣2

之前c9講咩以幣養幣, 於是上網一search, 出咗好多links, 睇咗一大堆, 原來哩個世界好多人講嘢好冇point(包括我), 不過有兩個比較好一啲嘅, 同大家分享吓...

http://tw.myblog.yahoo.com/jw!sdrx2mCBBBJ7ZsT0J8jbP59vUrLS/article?mid=379

http://finance.sina.com/bg/investment/sinacn/20120331/2208490034.html

我都係認同儲就要儲一套, 所以買第一隻尤其重要, 因為好賣嘅貨只會一隻否則只會飲恨, 或者比多啲錢.

不過我反而會覺得外國幣會越嚟越好炒, 因為中國而家就只炒中國幣, 如果遲啲開放咗銀幣市場, 就可以炒外國幣.

所以我絶對支持高質素嘅龍12345系列, 外國文化氣息好重...

不過都係果句, 邊有咁多錢.

講開錢, kitco嗰優惠得返18個人可以享有囉, 因為兩個aunties買咗各一套, 兩千四一個人...合體以幣養幣?!

可憐的人 + 以幣養幣??

c9自從開始上網之後, 同班aunties成日以為已知天下事, 日頭飲茶己經成日見, 夜晚仲要上網睇blog, 睇幣網, 一日就指吓呢隻問我好唔好, 果隻好唔好, 我就叫佢不如自己問apmex同powercoin攞貨. 但一話網上買嘢就耍手拎頭, 話都係見貨先買最好, 原來之前有一日飲茶, 班aunties已經講哩樣嘢, 因為佢哋上親kitco都十個八個咁買, 覺得自組aunties團都唔係話唔得, 不過提出果個auntie就比人band咗, 因為原來大家都試過網上買嘢貨不對辦, 諗諗吓又係喎, 我自己都試過yahoo團埋啲嘢, 完全唔掂, 最慘郵寄網購係冇得換. 所以旺旺同ivan要受嘅風險都唔少(多謝提醒)....辛苦晒. aunties團的最後決定係繼續一齊上去搞kitco啲哥哥, 真可憐, 我係話啲哥哥...哈哈哈

c9同我大發怪論, 話上網見人話咩"以幣養幣", 即係買幣就要買兩套, 一套就自己收藏, 一套就等升值, 升咗賣出就可以用啲錢再買新幣, 好似幾make sense, 所以佢哋班c9就決定試吓. well, 我就不敢苟同, 因為財力有限, 只能每月一幣, 不過如果第時旺旺嘅交易服務更多人用, 就可能會好啱用.

老爺c9是對的...

之前老爺c9知我開blog, 都話唔太好, 話講自己太多嘢, 好蠢. 又話網冇好人.

我同佢哋都有話有啲人買銀幣金幣都有網聚, 仲可以交流吓, 又有人幫人集體訂貨, 好okay. 而且blog只係交流, 冇咩問題. 佢哋都係叫我好自為之.

之前c9買嘢, 我都係同佢講不如試吓揾人團購, 佢哋話買嘢都係去舖頭睇啱就買, 唔想同其他人打太多交道, 而且佢哋覺得去利昌, kitco, 同bs 都近, 所以老爺, 阿桔, 柚子啲嘢, 都係交比c9做物流.

最近睇大家啲blog嘅情況, 真係有啲唔開心, 說話越嚟越mean,  似做生意甚至搶生意多過似交流, 我諗老爺c9係啱嘅, 買嘢就係買嘢, 最好唔好involve太多感情.

澳英餘孽??唔係葡萄牙咩...

上次一家到澳門玩咗一個weekend, 主要都係食食食, 老爺話要去三盞燈嗰邊食牛鞭, 行呀行(多謝老爺, 差啲蕩失路), 見到係fb啲人講咗嘅銀幣地鋪, 都幾靚, 冇認真睇價錢, 聽fb啲人話貴, well

頭先醒起, 上網serach吓, 見到佢地個website

http://www.royalexsilver.com/

你估最驚係咩, 唔係冇價錢, 係竟然見到港英餘孽系列, 加拿大個隻女皇套裝, 即係老爺同啲auntie係kitco都有買嗰隻, 唔通除咗香港, 連澳門都有澳英餘孽...勁.

唔知賣咩價, 有冇人知呀, 可以同kitco個價比較一吓...

突破5000 - 多謝大家支持

白痴的柑,
忙了兩天,
上網一看,
人數五千.

我們這一家金銀甲仝人, 多謝大家支持, 我哋會繼續努力揾料, 報料....

真係咁多人鐘意英女皇??

唔知大家有冇發現, kitco網上少咗兩隻女皇, 真係咁好賣?

奇怪.

不過早兩日聽講話呀女皇王夫又病, 女皇原來又80幾歲, 可能所以吸引掛.

香港人買嘢嘅方向, 真係難捉摸.

柑之銀幣持續性購賣計劃

最近自己開始反省緊一路以來自己買銀幣嘅方式, 開始見老爺話銀幣投資好, 又發咗lisa姐佢地買啲幣又靚又保值, 所以開始買銀, 一開始都係買吓灰熊美獅哩啲投資幣, 因為平所以一筒筒咁買, 最近發覺一路補習加利是錢加返工啲積蓄都用得七七八八, 先醒覺自己都係鐘意買靚幣收藏吓, 咁就死啦, 見到靚都唔可以話買就買, 但有時唔買就之後想揾都難, 所以一定要立下決心,

1.儲彈藥, 每月留同一個數目買幣, 淨低就做下個月嘅儲備, 唔可以問c9借錢買, 因為c9自己想買咩就成日叫我陪, 雖然我借十蚊都係還五蚊

2.每個月都只揀一隻幣買, 有人儲手袋, 有人儲首辦, 有人儲漫畫(阿桔就係), 我儲銀幣, 一年十二隻, 十年一百二十隻, 發達啦.

3.經過上次鎖定咗地圖幣之後冇亂買其他嘢嘅經驗, 所以以後要早一啲study new release嘅貨, 鎖定目標, 因為每月只有一次機會. 七月可能會係bb翠鳥.

最大障礙可能係c9, 因為c9應該係無限資金, 仲同四五個auntie一齊玩得好開心, 仲成日叫我幫吓眼, 雖然都成日有着數比我, 但亦係最大嘅引誘.

桔同柚子係一對

多謝大家, 特別係lisa姐, 不過都係冇奬, 哈

柚子話最鍾意都係哩個名, 因為同桔柑都係生果, 又似日本名, 所以要求只係叫柚子而唔係金柚子.

老爺就勁講傻嘢, 話柚子未入門, 唔可以姓金, 不過第時入咗門就要生多啲金菠蘿, 之後自己一個人傻笑, 唉, 柚子一聽到就變咗紅柚, 係咪人到咗哩個年紀就想啲咁嘅嘢...

金菠蘿, 都係生果姐...

誠徵金桔女友名字

金桔女友可能之後都會有出場機會, 但佢自己唔想諗名, 我尋晚就同佢講話不如搞返個改名比賽, 如果大家有咩提意, 請suggest, 我會叫佢係當中自己揀.

揀中都冇奬架...

deadline係星期日晚七點, 佢會上我哋度食飯...

好好玩呀...

咁就係桔桔女朋友個樣, 希望幫到大家

係卡通叫丸野丸美