特別鳴謝

好多謝一路以來唔同嘅銀幣路上嘅前輩好多嘅教導同分享, 由lisa姐介紹唔同嘅銀幣開始, 到一大班fb嘅朋友, 開拓咗對唔同銀幣同中幣嘅眼光, 甚至最近係blog度留言嘅一位匿名人, 見到佢對一隻幣嘅深入研究, 甚至對designer同廠嘅知識都能夠娓娓道來, 確實係好佩服, 亦都係咁, 令到細芬多咗啲鞕策.

大家唔好誤會, 我唔係close blog, 其實係賣廣告, 今次係自己嘅廣告, 過去一段時間, 細芬不停上網集合咗一啲得奬幣嘅資料, 可能哩啲資料大家都見過, 不過都希望同大家分享一下, 希望大家買幣嘅時侯多個reference.

第一炮已經寫咗係收藏家細芬個blog度, 係關於白俄星座幣, 我見白俄星座幣, 由有人開始提供啲貨係ivan度放售, 到kitco搞咗個團, 到scs同spc都搞波蘭團, 唔係一隻難買到嘅幣, 不過其實佢係一隻得過細奬嘅幣.

買幣政治...

好多民主派人話自己告急, 又話唔夠票, 又話比自己民主派嘅人打擊.
今朝一見啲廣告, 又係講呢啲, 不過有個奇怪嘅想法.

件事就好似最近大大小小嘅幣商, kitco同lpm就好似建制派, 大財團大店, spc同scs就好似民主派, 好多時民主派就叫建制派大石壓死蟹, 鐵票, 一陣lpm做g店團購8%平過小店a就叫做打擊小店, 小店要告急, 人哋做生意就叫打擊你??

小店嘅行為又真係幾民主派, 人民力量最叻鬧自己民主派, 小店a話小店b自己哩隻貨唔做就上網同人講佢隻唔掂, 好過份, 小店b都冇咩出聲.

小店又似民主黨同人民力量嘅內訌, 就好似一陣小店a又話人哋小店b跟風

小店又似民主派對蛇齋餅嘅態度, 小店a去大店問人哋賣啲嘢唔夠一oz, 之後一個屈尾十就去賣啲唔夠一oz嘅嘢, 仲要平小店b幾蚊, 好似民主派自己鬧完人都去派嘢.
又或似小店a話人哋大店好去賣啲未到嘅貨, 一早cap錢, 我又想問啦, 啲perth蛇香港有人見過實物咩?

咁邊個係温和民主派, 咁你問吓人邊個温和啲, 唔多出聲??
咁邊個係人民力量嘅大舊同yuk民就好明顯, 成日串人鬧人係邊個??

而家我希望kitco出個蛇價係最平嘅(可能性雖然細), 之後我就可以出post話買幣洗鬼咁早買咩, 三十萬貨, 洗鬼咁早買呀, 等啲貨死呀嘛.

小小資料, 截至哩一刻, 以1oz為計

spc - 330
scs - 338
lpm - temporary out stock, 得其他重量價, 唔係攞唔到貨呀 (340 updated)
kitco - 不詳, 不過哥哥仔話有貨.

kitco, 你要生性呀.......

C9本地團

啱啱幫c9計數, 實行佢嘅本地團計劃, 九折加平廿蚊, 係要揾人食隻女王

1oz圓蛇 = 779.2
1oz蓮蛇 = 779.2
半安蛇 = 329.2
20系列5 = 185.2

佢自己同班aunties收緊單, 星期日上完堂分貨, 實行一班c9入定貨下年送禮.

c9話要成為大戶.

淡友

尋晚老爺發咗啲怪論, 都幾好笑, 不過啱啱又見到多一單, 我又覺得佢好啱.

佢話通常啲股呀, 樓呀, 到咗唔買唔得, c9阿嬸甚至有腳嘅都去買, 就知就嚟爆. 好似前幾年嘅抽新股, 抽親都即賺, 跟住大家一窩風咁去抽, 之後就爆.

佢話kitco, scs, spc一樣, 一開始人人做perth, 做做吓perth啲嘢有啲亂出, 咁就死得
跟住就一路咁做波蘭廠, 做到人人都做, 又係遲早死得.

我就同佢講, 其實好多人好似ivan咁係自己收藏, 順手揾人share吓啲運費姐, 所以都okay, 我仲笑佢買幣都有淡友.

跟住今日就見到century-->(加入咗list到, 廣告) 又賣波蘭, 我就開始覺得老爺可能係啱, 不過啱還啱, 希望大家唔好做吓做吓, 每人嘅貨少咗, 運費高咗, 最後大家啲嘢反而貴咗.

因為我哋哩啲小消費者

1. 貨品
2. 價錢
3. 關係

芬的服務2

只係希望留一啲大家都可能知嘅知識,

論投資角度, 細芬唔叻, 問lisa姐可能好啲,
問攞貨, 可以問吓旺旺同ivan,

細芬只係想學多啲收藏嘅知識, 自己又冇記性, 唯有好似啲老人家咁寫低自己睇過嘅結論, 亦同大家分享一吓.

去細芬收藏幣知識保存庫, 一齊學吓欣賞自己嘅收藏. (廣告)

芬的服務

最近有事, 令細芬想將個blog分家, 評芬係免費, 因為有人賣嘢, 我先會評吓, 比大家作為消費者嘅多一個reference, 細芬一個仙都冇收過, 如果有人因為細芬嘅介紹買咗嘢, 唔該睇咗哩個blog嘅kitco, lpm, spc, scs主管比返啲廣告費我.

條link係--->

另外遲啲想做返啲唔同幣嘅資料嘅記錄, 之前揾咗好多資料, 不過最近多咗玩嘅時間, 未開始寫, 遲啲會寫.

(最近有一啲小風波, 平息咗但唔係唔會留痕, 細芬由一開始嘅報料室, 到後來多咗同網友互通, 都只係本住多啲同大家溝通, 多啲分享, 多啲唔同幣商嘅消息, 因為睇到大家分享多咗而出嚟嘅團購呀, 揾唔同嘅source呀, 甚至對唔同嘅幣(不論中幣外國幣), 都多咗認識, 亦大膽講句, 亦係大家嘅團結令唔同幣商嘅價都平咗, 其實係一件好事, 而細芬寫嘅嘢, 只係經歷咗啲咩, 就講啲咩.)

女仔幣?? 最緊要包裝

你可以話我傻, 啲咁嘅嘢都鐘意, 但係s師父一post, 就已經捕捉咗我嘅注意力, 係, 我認, 我鐘意個包裝.

另外, 相比起其他, 你就明我點解咁like佢, 除咗以下哩一套叫做好少少...


其他嘅就...